Skrifstofuskólinn / Office School - hefst 16. september
Skrifstofuskólinn / Office School - hefst 16. september
Hagnýtt nám í skrifstofustörfum og góður undirbúningur fyrir bókaranám.
Skrifstofuskólinn er fyrir fólk sem vill skapa sér sterkari stöðu á vinnumarkaði með aukinni menntun eða er á leiðinni á vinnumarkaðinn að nýju eftir hlé. Einnig er námið tilvalið sem undirbúningur fyrir bókaranám. Tilgangur námsins er að auka sjálfstraust námsmanna til að takast á við almenn skrifstofustörf og stuðla að jákvæðu viðhorfi þeirra til áframhaldandi náms. Í náminu er lögð áhersla á að námsmenn læri að læra, efli sjálfstraust sitt og lífsleikni.
Námið hentar einnig vel fyrir einstaklinga sem hafa íslensku sem annað tungumál og vilja styrkja sig í íslensku vinnuumhverfi og auka möguleika sína. Kennslan fer fram á íslensku, en boðið er upp á stuðningsefni og textuð myndbönd til að auðvelda námið. Skrifstofuskólinn er kenndur í samstarfi við Promennt/NTV og er námið styrkt af Fræðslusjóði.
Skrifstofuskólinn á haustönn 2026 hefst 16. september og útskrift er 16. desember.
Námsgreinar
- Tölvu- og upplýsingatækni
- Verslunarreikningur
- Bókhald
- Tölvubókhald
- Færnimappa og ferilskrá
- Námsdagbók og markmiðasetning
- Námstækni
- Samskipti
- Þjónusta
- Lokaverkefni
Nánari upplýsingar er að finna í námskrá
Hæfniviðmið Skrifstofuskólans
Námsmaður skal hafa öðlast þekkingu og skilning á:
- Lykilþáttum almennra skrifstofustarfa með áherslu á þjónustu og bókhald.
- Uppbyggingu bókhalds.
- Verslunarreikningi.
Námsmaður skal hafa öðlast leikni í að:
- Sinna almennum skrifstofustörfum með áherslu á þjónustu og bókhald.
- Reikna út virðisaukaskatt, prósentur og afstemma bókhald.
Námsmaður skal geta hagnýtt sér þá almennu þekkingu og leikni sem hann hefur aflað sér til að:
- Veita viðskiptavinum góða þjónustu.
- Skrá og stemma af fjárhagsbókhald.
- Sinna almennum bókhalds- og skrifstofustörfum á faglegan hátt.
Inntökuskilyrði
18 ára og eldri, þeir sem hafa ekki lokið námi í framhaldsskóla eru í forgangi.
Tilhögun náms
Námið er í samvinnu við NTV/Promennt og kennt er bæði í stað- og fjarnámi. Enginn próf eru í náminu en nemendur þurfa að hafa 80% mætingu til að útskrifast.
Lengd náms
Heildarlengd námsins eru 240 klst, sem skiptist svona:
- 160 klst. með leiðbeinanda
- 80 klst án leiðbeinanda
Verð
78.800 kr. Hægt er að sækja styrki til flestra stéttarfélaga.
Einingar
Heimild er til að meta námið til allt að 16 eininga í framhaldsskóla.
Skráning hjá samstarfsaðilum okkar í NTV/Promennt fyrir Skrifstofuskólann hér
Nánari upplýsingar
Helga Tryggvadóttir hjá Framvegis, s.581 1900 eða helga@framvegis.is
