Markmiðið með skimunarlistanum er að þú getir lagt fyrsta mat á hvort þú átt erindi í raunfærnimat. Niðurstaðan er aðeins vísbending um hvort ástæða sé til að skoða næstu skref með ráðgjafa. Forsendur fyrir að fara í raunfærnimat er að þú hafir starfsreynslu í faginu en ekki þarf að hafa þekkingu á öllum þáttum starfsins til að eiga erindi í raunfærnimat.

Starfssvið sjúkraliða felst í hjúkrunar- og umönnunarstörfum. Sjúkraliði ber ábyrgð á störfum sínum við hjúkrun og umönnun í samræmi við menntun, þjálfun og færni sem hann hefur tileinkað sér. Sjúkraliðar starfa náið með skjólstæðingum sínum og eru í lykilstöðu til að stuðla að öryggi, virðingu og jákvæðum samskiptum í öllum sínum störfum.

Skoðaðu listann hér að neðan og ef þú þekkir nokkuð af atriðunum, eða tiltekna flokka, getur þú haft samband við Framvegis í helga@framvegis.is eða í síma 581 1900.

Hefur þú starfað við umönnun á:

  • Sérdeildum, svo sem gjörgæsludeild, kvennadeild, endurhæfingardeild, líknardeild, geðdeild, á heilsugælustöð og / eða við heimahjúkrun
  • Öldrunarlækningadeildum, hjúkrunar- eða dvalarheimilum
  • Annarri deild eða heimili

Heilbrigðisfræði

Ég þekki

  • samspil lífsstíls og heilsu
  • aðferðir sem stuðla að heilsueflingu og heilbrigði
  • helstu heilbrigðisvandamál í nútíma samfélagi og forvarnir gegn þeim

Ég get

  • greint áhættuþætti tengda lífsstíl
  • leitað á vefnum að áreiðanlegum upplýsingum um heilsu, heilbrigði og hjúkrun

Hjúkrun: Grunnur, verklag, skráning, næring

Ég þekki

  1. tengsl andlegs, líkamslegs og félagslegs ástands skjólstæðings við hjúkrunarþarfir viðkomandi
  2. grunnþarfir, frávik frá þeim og áhrif verkja á skjólstæðing
  3. einkenni rangrar líkamsbeitingar og hvernig nýta á rétt vinnulag og léttitæki til að varast álagsmein

Ég get

  • aðstoðað skjólstæðinga við tannhirðu og persónulegt hreinlæti
  • gætt að hreinlæti, hugað að smitvörnum og smitgátarvinnubrögðum
  • fylgt leiðbeiningum við umönnun skjólstæðinga og fyrirbyggt fylgikvilla rúmlegu
  • framkvæmt lífsmarkamælingar og einfaldar sýnatökur ásamt því að skrá næringarinntekt og úrskilnað úrgangsefna
  • leitað í og umgengist sjúkraskrár / hjúkrunargögn á viðeigandi hátt

Hjúkrun: Líffærakerfi, illkynja sjúkdómar, verkir, smit

Ég þekki

  • viðeigandi vinnubrögðum til að hindra smit
  • helstu einkenni illkynja sjúkdóma í helstu líffærakerfum
  • áhrif bráðs og langvinns heilsubrests á sjálfsmynd og líðan skjólstæðinga
  • hjúkrun skjólstæðinga með sjúkdóma í helstu líffærakerfum
  • ólíkar verkjameðferðir

Ég get

  • leiðbeint skjólstæðingum með athafnir daglegs lífs
  • greint milli mismunandi hjúkrunarþarfa eftir alvarleika veikinda
  • undirbúið skjólstæðinga fyrir rannsóknir og skurðaðgerðir og sinnt eftirmeðferð
  • notað mismunandi sáraumbúðir og sárameðferðir

Hjúkrun: Fjölskylda, geð, öldrun

Ég þekki

  • félagslegar, andlegar og líkamlegar breytingar sem fylgja hækkandi aldri
  • mun á eðlilegum öldrunarbreytingum og sjúkdómsástandi hjá öldruðum
  • einkenni helstu geðraskana og fíknisjúkdóma
  • viðurkenndar hjúkrunarmeðferðir í fjölskyldu- og geðhjúkrun

Ég get

  • hjúkrað skjólstæðingum með geðraskanir og fíknisjúkdóma
  • frætt og leiðbeint um heilsueflingu og forvarnir
  • hjúkrað öldruðum á heildrænan hátt með tilliti til félagslegs, andlegs og líkamlegs ástands
  • sinnt skjólstæðingi sem fær lífsloka- og líknarmeðferð

Samskipti og siðfræði

Ég þekki

  • áhrif sjálfsmyndar og ólíkra menningarheima á samskipti
  • helstu skyldur fagfólks og réttindi skjólstæðinga

Ég get

  • sett mig í spor annarra í samskiptum
  • skoðað siðferðileg álitamál út frá ýmsum sjónarhornum
  • notað eflandi samskipti, sem byggja á virðingu, samkennd, fordómaleysi og jafnrétti
  • sýnt samkennd, virðingu og fordómaleysi í samskiptum
  • leyst samskiptavanda af virðingu fyrir sjónarmiðum allra hluteigandi
  • virt trúnað og þagnarskyldu
  • virt persónuleg mörk skjólstæðinga og átt í faglegum og uppbyggilegum samskiptum
  • sýnt góða siðferðisvitund og fordómaleysi, umburðarlyndi og víðsýni í störfum mínum

Verklegur grunnur

Ég þekki

  • helstu þætti sem hafa áhrif á heilsu og lífsgæði skjólstæðinga
  • siðareglur sjúkraliða
  • lög um réttindi sjúklinga og sjálfsákvörðunarrétt þeirra

Ég get

  • forgangsraðað hjúkrunarstörfum
  • hjúkrað sjúklingum við margbreytilegar aðstæður
  • unnið eftir gæðaviðmiðum heilbrigðisstofnana