Unnið í samstarfi við Vinnumálastofnun og VIRK. Námskeiðið hentar einstaklingum sem hafa verið án atvinnu í lengri tíma og vilja fá hvatningu, styrkingu og ný verkfæri til að taka næsta skref inn á vinnumarkaðinn eða í nám. 

Lögð er áhersla á valdeflingu, sjálfseflingu, hagnýta þjálfun og hreyfingu á lifandi og hvetjandi hátt. Þátttakendur fá stuðning við að greina styrkleika sína, byggja upp sjálfstraust og læra að kynna sig á jákvæðan hátt. 

Markmið námskeiðsins

• Efla sjálfstraust og áhugahvöt þátttakenda.
• Greina og styrkja persónulega hæfni og styrkleika.
• Kynnast hagnýtum verkfærum til atvinnuleitar og starfsþróunar.
• Efla félagslega tengingu, orku og vellíðan.