Á námskeiðinu öðlast þátttakendur þekkingu og færni til að meta ástand fóta, þekkja algeng fótavandamál og sinna almennri umhirðu fóta innan starfssviðs sjúkraliða. Áhersla verður lögð á að greina breytingar sem geta haft áhrif á heilsu, hreyfigetu og lífsgæði skjólstæðinga, sérstaklega eldra fólks og einstaklinga sem þurfa aðstoð við daglega umönnun.

Fjallað verður um húð, neglur, þrýstingssvæði, bólgur, sár og önnur algeng einkenni ásamt mikilvægi hreinlætis, réttrar umhirðu, hentugs fótabúnaðar og fyrirbyggjandi aðgerða. Einnig verður farið yfir hvaða umhirðu sjúkraliðar geta sinnt, hvenær skrá þarf breytingar og upplýsa annað heilbrigðisstarfsfólk og hvenær vísa þarf skjólstæðingi áfram til viðeigandi sérfræðings.

Verkleg þjálfun:

• framkvæma skipulagt mat á ástandi fóta,
• skoða húð, neglur, þrýstingssvæði, bólgur og sýnilegar breytingar,
• sinna öruggum þvotti, þurrkun og almennri umhirðu fóta,
• bera rakakrem á með réttum hætti og vernda viðkvæma húð,
• þekkja áhættuþætti og fyrstu merki um sár, sýkingu eða þrýstingsáverka,
• meta hvort sokkar og skóbúnaður henti skjólstæðingi,
• skrá niðurstöður skoðunar og miðla upplýsingum á skýran hátt,
• vinna með dæmisögur og taka ákvörðun um viðeigandi viðbrögð og áframhaldandi þjónustu.

Leiðbeinandi: Sigríður Rós Jóbatansdóttir, fótaaðgerðarfræðingu og fagstjóri sjúkraliðabrautar Fjölbrautaskóli Suðurnesja.
Námsmat: 100% mætingarskylda og virk þátttaka á námskeiðinu.
Punktar: 10 punktar
Staðkennt 1. og 3. desember