Opnað verður fyrir skráningu 18. september kl. 10.00

Á þessu námskeiði vinnum við með vatnsliti og blek og ýmsa litatóna þess. Við blöndum saman litum til að skapa fjölbreytta tóna, áferðir og stemningu. Á námskeiðinu prufum við okkur áfram með blandaðri tækni með bleki og vatnslitum. Markmið námskeiðsins er að kynna þátttakendum grunnatriði vatnslitunar og bleknotkunar, efla sköpunargleði og sjálfstraust í myndsköpun, og veita þeim verkfæri til að tjá sig með litum og formum á eigin forsendum.

Búnaður:
Efni og áhöld eru innifalin í þessu námskeiði en þátttakendur eru hvattir til að koma með eigin vatnsliti og pensla ef þeir eiga þá til.

Fyrir hverja?
Engin kunnátta er nauðsynleg, námskeiðið hentar byrjendum og þeim sem eru með einhverja smávegis reynslu í að mála með vatnslitum. Kennari mætir öllum nemendum þar sem þau eru stödd í listsköpun sinni.

Tvö eins námskeið:

• Námskeið 1: Miðvikudagur 8. október, kl.18:00-20:30
• Námskeið 2: Miðvikudagur 15. október, kl.18:00-20:30 

Staður: Studio Hraun í Laugardalnum í Reykjavík, Hraunteigi 26

Leiðbeinandi: Linda Ólafsdóttir myndlistakona og rit- og myndhöfundur barnabóka. Hún hefur myndlýst fjölda bóka ásamt því að kenna námskeið í teikningu, myndlýsingum og málun. Linda Ólafsdóttir

Athugið að þessi viðburður er einungis fyrir félagsfólk Sameykis.