Á námskeiðinu er farið yfir helstu atriði sem skipta máli við bollakökubakstur og skreytingar. Þátttakendur eru leiddir   áfram skref fyrir skref þar sem bollakökur eru bakaðar, bollakökukrem búið til ásamt því að fá innsýn inn í þær aðferðir   sem henta vel til að skreyta bollakökur.

Þátttakendur fræðast um áhöld, form, matarliti ásamt hráefnum sem notuð eru við baksturinn og skreytingarnar.

Námskeiðið er uppbyggt með það í huga að þátttakendur geti bakað og skreytt á sama tíma og þeir horfa og hlusta.

Fyrir þau sem vilja baka og skreyta er inkaupa/áhaldalisti hér að neðan. En einnig er velkomið að fylgjast með án þess   að baka og skreyta.

Listi yfir hráefni og áhöld fyrir þau sem vilja baka og skreyta:

• Hentar best að nota Betty Crocker kökumix (velkomið að gera ykkar bollakökuuppskrift ef það hentar betur). Mælum með því að vera búin að baka fyrir námskeiðið.
• Hráefni í bollakökur:
  • 1 pakki Betty Crocker kökumix (vanillukaka eða súkkulaðikaka)
  • 3 stk egg
  • Olía
  • Vatn
• Bollakökumót – hægt að kaupa til dæmis í Hagkaup.

Hráefni í krem (hægt að velja um að nota Betty Crocker krem eða gera krem frá grunni)

• Súkkulaði eða vanilla Betty Crocker krem.
• Bollakökukrem frá grunni:
  • Flórsykur
  • Smjör
  • Rjómi
  • Vanilludropar
  • Matarlitur (fyrir þá sem vilja lit) (hægt að kaupa í Hagkaup til dæmis) 

Áhöld sem mikilvægt er að hafa við höndina ef þið ætlið að taka þátt á meðan á námskeiðinu stendur:

• Sprautupokar: Einnota (Líf og list selur mjög góða í einnotapoka í rúllu)  einnig hægt að kaupa fjölnota. Sjá hér: SPRAUTUPOKAR - BLOMSTERBERG - Líf og List (lifoglist.is)
• Sprautustútar: Wilton 1M - Wilton 2 D – rúnaður stútur og franskur stútur (fæst í Hagkaup eða Allt í köku). Einnig hægt að kaupa sett sem er sambærilegt þessum sem ég nefni hér að framan: sjá hér: 
  • SPRAUTUSTÚTAR 5 STK - BLOMSTERBERG - Líf og List (lifoglist.is)
  • SPRAUTUSTÚTAR 7 STK - BLOMSTERBERG - Líf og List (lifoglist.is)

Mjög gott að vera með bollakökubökunarmót. Sjá hér MUFFINSFORM - BLOMSTERBERG - Líf og List (lifoglist.is)

Dagsetning:  Fimmtudagur 12. október

Kl. 17:30-19:00

Lengd: 1,5 klst.

Staður: Netviðburður– skráðir þátttakendur fá senda krækju með aðgangi að námskeiðinu.

Leiðbeinandi: Hjördís Dögg Grímarsdóttir er kennari að mennt og eigandi baksturssíðunnar mömmur.is. Í fjölda ára hefur hún galdrað fram gómsætar kökur og kennt fólki að gera slíkt hið sama.   

Athugið að þessi viðburður er einungis fyrir félagsfólk Sameykis.