Sterkari með tölvum

Viðfangsefni

Fjallað er um undirstöðuatriði upplýsingalæsis og þá þætti sem lúta að skráningu, meðhöndlun, vinnslu og framsetningu gagna og upplýsinga á netinu ásamt meðferð persónuupplýsinga. Fjallað verður um tæknilæsi þar með talið netöryggi, vafra og leitarvélar. Auk þess er farið í hvernig tækjabúnaður er nýttur til að afla þekkingar og miðla henni meðal annars í formlegum samskiptum og við kaup á vöru og þjónustu.

Kynntar verða skýjalausnir, hvað felst í vinnslu, vistun og deilingu gagna. Farið verður yfir forrit sem unnið er með í skýjalausnum og skoðað hvernig hægt er að yfirfæra gögn milli opinna og lokaðra kerfa. Skoðaðar verða grunnaðferðir reikni- og ritvinnsluforrita og notkunarmöguleikar tölvupóst- og samskiptaforrita. Auk þess verður farið í fjölbreytta notkun snjalltækja. Kynntar verða leiðir til að auðvelda fólki notkun stuðningsforrita.

Hæfniviðmið

Námsmaður þjálfast í að hagnýta þá almennu þekkingu og leikni sem hann hefur aflað sér til að:

• Greina á milli áreiðanlegra og óáreiðanlegra gagna.
• Velja viðeigandi framsetningu gagna og upplýsinga.
• Eiga í viðeigandi formlegum samskiptum.
• Velja viðeigandi vafra.
• Nota leitarvélar á markvissan hátt.
• Greina, meta og verja persónugreinanleg gögn.
• Vinna með gögn sem eru bundin höfundarrétti.
• Velja sér forrit í samræmi við verkefni.
• Hafa samskipti með rafrænum hætti.
• Nota tölvur og snjalltæki sér til gagns.
• Vinna með fjölbreytt tölvugögn í opnum og lokuðum kerfum.

Lengd náms

40 klst.

Verð

17.000 kr