Smitsjúkdómar og sýkingavarnir
Markmið: Að efla skilning á smitsjúkdómum og aðferðum til að koma í veg fyrir dreifingu þeirra
Lýsing: Fjallað verður um sýkingavarnir vegna ýmissa sjúkdóma s.s. inflúensu, MÓSA, Clostridium diffecile o.fl. Skoðuð verða grundvallaratriði sótt – og dauðhreinsunar; hvernig örveirum er haldið í skefjum, þær fjarlægðar og þeim eytt.
Leiðbeinandi: Ása Steinunn Atladóttir, hjúkrunarfræðingur og verkefnisstjóri á sóttvarnarsviði Landlæknisembættisins
Tími: 27. og 28. janúar kl. 17-21
Lengd: 10 kennslustundir
Verð: 17.000 kr.
Öldrunarlyfjafræði (fjar)
Markmið: Að þátttakendur öðlist heildstæða þekkingu á lyfjagjöf til aldraðra.
Lýsing: Fjallað verður almennt um lyfjagjöf með tilliti til þeirra breytinga sem verða á líkamanum við öldrun. Farið verður í þær breytingar sem orðið geta á skömmtun og verkun lyfja, aukaverkunum og milliverkunum lyfja við öldrun. Einnig verður fjallað um nokkra stóra lyfjaflokka, s.s. öndunarfæralyf, hjartalyf, tauga- og geðlyf, sykursýkislyf og lyf við hrörnunarsjúkdómum. Námskeiðið er kennt í fjarnámi.
Leiðbeinandi: Bryndís Þóra Þórsdóttir lyfjafræðingur
Tími: 2. febrúar – 2. mars
Lengd: samsvarar 20 kennslustundum
Verð: 30.000 kr.
Þunglyndi, geðraskanir og lausnamiðaðar meðferðir
Markmið: Að þátttakendur öðlist betri þekkingu á helstu geðröskunum og séu betur í stakk búnir til að vinna með einstaklingum með geðraskanir
Lýsing: Á námskeiðinu verður fjallað um áhrif geðrænna sjúkdóma á einstaklinga sem af þeim þjást og áhrif á nærumhverfi þeirra. Rætt verður um þróun sjúkdómanna, orsakir, afleiðingar, viðtalstækni, helstu lausnir og mikilvægi þess að styðja betur við fjölskyldur þeirra sem glíma við geðrænan vanda
Leiðbeinandi: Salbjörg Bjarnadóttir, geðhjúkrunarfræðingur
Tími: 2. og 3. feb kl. 17-21
Lengd: 10 kest
Verð: 17.000
Munnhirða fólks með sérþarfir. -NÝTT
Markmið: Að efla þekkingu, sjálfstæði og færni sjúkraliða við framkvæmd munn- og tannhirðu hjá einstaklingum sem þarfnast aðstoðar við daglega umhirðu tanna og tanngerva.
Lýsing: Fjallað verður um lykilþætti tannverndar, helstu tannsjúkdóma, bólgur og sár í munnslímhúð og munnþurrk. Farið verður yfir réttu handtökin við munn- og tannhirðu, með áherslu á bæði efni og áhöld sem auðvelda þrif tanna og tanngerva hjá fötluðum, sjúkum og öldruðum.
Leiðbeinandi: Hólmfríður Guðmundsdóttir, tannlæknir
Tími: 11. feb kl. 16.30 - 21
Lengd: 6 kest
Verð: 10.000Verð: 10.000 kr
Meltingarsjúkdómar -NÝTT
Markmið: Að þátttakendur öðlist grundvallarþekkingu um einkenni og meðferðarmöguleika meltingarsjúkdóma.
Lýsing: Á námskeiðinu verður fjallað um helstu meltingarsjúkdóma. Farið verður yfir greiningu og einkenni þeirra og greint frá meðferðum sem eru í boði fyrir þennan sjúklingahóp. Að lokum verður farið yfir hjúkrun og umönnun meltingarsjúklinga.
Leiðbeinandi: Einar Oddson meltingarlæknir, Guðrún Yrsa Ómarsdóttir og Bella Freydís Pétursdóttir hjúkrunarfræðingar á meltingar- og nýrnadeild LSH
Tími: 8. og 9. febrúar
Lengd: 10 kest
Verð: 17.000 kr.
|