Raunfærnimat á sjúkraliðabraut

Upptaka frá 1. september af kynningu á raunfærnimati: 

Í stuttu máli þá er í raunfærnimati á sjúkraliðabraut farið yfir reynslu þína og þekkingu og hún metin til eininga á brautinni. Litið er svo á að það skipti ekki máli hvar þú öðlaðist færnina, ef þú hefur hana þá einfaldlega hefur þú hana.

Þannig er í raunfærnimati metin sú færni og þekking sem þú býrð yfir. Færni má ná með ýmsum hætti til dæmis í gegnum starfsreynslu, starfsnám, frístundir og nám. Þetta getur verið bæði formlegt nám, sem fram fer innan skólakerfisins og óformlegt nám sem fer fram utan skólakerfisins, t.d. í starfi. Raunfærnimat er mat á þeirri raunfærni sem viðkomandi hefur og eðlilegt að meta hana óháð því hvernig hennar hefur verið aflað

Raunfærnimatið er óháð búsetu þátttakenda og fer fram rafrænt að miklu leyti.

Dagskrá haust 2022

1. september kl. 11:00-11:30. Kynningarfundur á Zoom

Skimunarviðtöl hjá náms- og starfsráðgjafa fóru fram í september og er lokið.

Þátttakendur þurfa að skila eftirfarandi gögnum áður en kemur að sjálfsmatsfundum (fyrir 26. september):

    • Staðfesting á starfi í a.m.k. 3 ár
    • Staðfesting á fyrra námi

 Sjálfsmatsfundur - færnimappa. Fundirnir verður á netinu. Þátttakendur velja milli tveggja tímasetninga: 

           26. september kl. 11:00- 12:00.  Krækja á fundinn: Click here to join the meeting

           29. september kl. 15:00-16:00.  Krækja á fundinn: Click here to join the meeting

Fyrir fundina er gott að vera búin að finna til gögn og byrja að vinna færnimöppuna. Hér er einföld útgáfa af færnimöppu: Færnimappa 


 Sjálfsmatsfundur - gátlisti. Fundirnir verða bæði í húsi og á netinu. Þátttakendur velja milli tveggja tímasetninga: 

          3. október kl. 10:00-11:00 (hér birtist slóð á fundinn þegar nær dregur)

          5. október  kl.15:00-16:00 (hér birtist slóð á fundinn þegar nær dregur)


Matssamtöl fara fram í október og nóvember og lýkur raunfærnimatinu í desember með útskrift og lokaviðtali. 

Dagskráin er birt með fyrirvara um breytingar.

Fyrir hverja er raunfænimat?

Þátttakendur þurfa að uppfylla þrjú skilyrði:

  1. hafa litla, formlega menntun (þ.e. hafa ekki útskrifast úr framhaldsskóla)
  2. vera 23 ára eða eldri
  3. hafa lágmark 3 ára starfsreynslu í geiranum - í þessu tilfelli t.d. umönnun sjúklinga

Þau sem hafa meiri menntun, t.d. stúdentspróf, en uppfylla hin tvö skilyrðin greiða sjálf fyrir raunfærnimatið.

Hvað er verið að meta?

Fjórir áfangar á brautinni eru til mats. Þetta eru:

  • Heilbrigðisfræði – HBFR1HH05
  • Hjúkrun verkleg - HJVG1VG05
  • Næringarfræði - NÆRI2NN05 
  • Samskipti - SASK2SS05 
  • Hjúkrun grunnur – HJÚK1AG05 
  • Verknám á hjúkrunarheimili eða öldrunarlækningadeild - VINN3ÖH08 

Kostnaður

Þeir sem uppfylla skilyrðin þrjú: raunfærnimatið er þeim að kostnaðarlausu. 

Þeir sem ekki eru í markhópi framhaldsfræðslu (t.d. hafa útskrifast úr framhaldsskóla): 152.000 kr. grunngjald og 1860 kr. hver eining sem er metin. Bent er á að mörg stéttarfélög veita styrki fyrir raunfærnimati og er áhugasömum bent á að athuga það hjá sínu félagi.

Ferlið í raunfærnimati - það sem þú þarft að gera

  1. Skrá þig í raunfærnimat hér
  2. Mæta á kynningarfund á netinu
  3. Viðtal við náms- og starfsráðgjafa
  4. Skila inn gögnum um fyrra nám og störf
  5. Mæta á sjálfsmatsfund þar sem færnimappa er fyllt út
  6. Mæta á sjálfsmatsfund þar sem gátlisti er fylltur út
  7. Mæta í matssamtal / samtöl
  8. Viðtal hjá náms- og starfsráðgjafa þar sem farið er yfir niðurstöður og hvaða möguleikar eru færir í framhaldinu.

 Ítarlegri kynningar

KYNNINGARMYNDBAND UM RAUNFÆRNIMAT Þátttakandi í raunfærnimati og náms- og starfsráðgjafi segja frá ferlinu.

 Svona lítur ferlið í raunfærnimati út:

 

Ferli raunfærnimats

 

 

Frekari upplýsingar veita náms- og starfsráðgjafar Framvegis í síma 581 1900 eða helga@framvegis.is