Flokkur: Gott að vita

Kulnun, örmögnun, streita og alvarleg áföll hafa á undanförnum árum gert það að verkum að æ fleiri lenda í ógöngum og hrekjast jafnvel af vinnumarkaði. Og þetta á bæði við um karla og konur.

Karlar tala síður en konur um það hvernig þeim líður. Þeir velja margir hverjir að bíta á jaxlinn og bera harm sinn í hljóði. Sirrý Arnardóttir hefur tekið viðtöl við karlmenn á ólíkum aldri, úr ólíkum áttum og með mismunandi stöðu í samfélaginu og veita þau einstaka innsýn í líf þeirra og líðan. Þeir eiga það allir sameiginlegt að hafa strandað og upplifað verulega vanlíðan. Þeir gátu ekki unnið og voru við það að sökkva. En þeir gripu til aðgerða, fóru að vinna í sínum málum og komust í land.

Í fyrirlestrinum er einnig fjallað um það hvernig karlmenn fyrri tíma brugðust við örmögnun og áföllum og vitnað í sálfræðing og félagsráðgjafa um veruleika þeirra sem stranda í lífinu.

Dagsetning:  Mánudagur 8. nóvember

Kl. 20:00-21:30

Lengd: 1,5klst

Staður: Netviðburður– skráðir þátttakendur fá senda krækju með aðgangi að námskeiðinu.

Leiðbeinandi:  Sirrý Arnardóttir, sem á að baki 30 ára farsælan fjölmiðlaferil en starfar nú sem stjórnendaþjálfari, fyrirlesari, rithöfundur og kennari við Háskólann á Bifröst.

Heiti námskeiðs Dags Dagar Tími Staðsetning Verð
1 08.11.2021 Mánudagur 20:00-21:30 Vefviðburður