Flokkur: Gott að vita - Félagsmenn Sameykis eingöngu

Á námskeiðinu læra þátttakendur grunnaðferðir í prjóni og prjóna húfu á sínum hraða. Þátttakendur fá skýra og góða kennslu frá Tinnu Lind textílkennara og fatahönnuði og prjóna saman alveg frá því að fitja upp til fullkláraðs stykkis. Þátttakendur hafa aðgang að yfir 20 myndskeiðum sem þeir spila og stöðva að vild. Einu sinni í viku hittast þátttakendur með Tinnu á netinu þar sem farið er yfir hvar fólk er statt auk þess að fá nýjar upplýsingar. Þess á milli talar hópurinn saman í lokuðum hóp á Facebook þar sem hægt er að fá enn meiri aðstoð og hvatningu svo enginn sitji föst/fastur. Athugið að það er heimavinna líka. Í lok námskeiðs verða þátttakendur búnir að vinna eigið handverk, prjóna húfu (fullorðins eða barna) á sig eða sína, jafnvel í gjöf! Fullkomið fyrir köldu dagana. 

Fyrra námskeið:

Dagsetning: Mánudagar 1., 8. og 15. mars

kl. 20:00-21:00

Seinna námskeið:

Dagsetning: 13.,20. og 27. apríl

kl. 18:00-19:00

Lengd: 3 klst

Staður: Netviðburður– skráðir þátttakendur fá senda krækju með aðgangi að námskeiðinu.

Leiðbeinandi: Tinna Lind stofnandi Tiny Viking. Hún er menntaður textílkennari og fatahönnuður. Hefur prjónað frá því að hún var ung og hefur margra ára reynslu af textíl kennslu.  

Heiti námskeiðs Dags Dagar Tími Staðsetning Verð
Hópur 1 01.03.2021 - 15.03.2021 Mánudagar 20:00-21:00 Vefviðburður
Hópur 2 13.04.2021 - 27.04.2021 Þriðjudagar 18:00-19:00 Vefviðburður