Flokkur: Gott að vita

Þetta vinsæla námkeið er nú á dagskrá Gott að vita í þriðja sinn!

Á þriðjudögum hittist hópurinn a Zoom, þar sem unnið verður með sjálfstyrkingu í gegnum markþjálfun, jóga, hugleiðslu og slökun.

Á fimmtudögum verður farið í þægilega göngutúra í borginni og/eða næsta nágrenni, þar sem náttúran er tekin inn í ró og næði, án áreitis og stress. Áhersla er lögð á að þátttakendur setji sig í fyrsta, annað og þriðja sætið, hlusti á umhverfishljóðin, finni lyktina, hugleiði, geri léttar teygjur, slaki á og njóti en ekki þjóti.

Gefum Gróu orðið: „Þar sem ég er lærður jógakennari, leiðsögmaður og markþjálfi þá mun ég nýta þá verkfærakistu sem ég á með öllum þeim tólum sem ég hef öðlast með reynslu minni á þessum sviðum. Ég hef verið að vinna með ungu fólki, frá VIRK, sem er að stíga upp og koma til baka eftir erfiðleika í gegnum Framvegis, miðstöð símenntunar. Þar hef ég nýtt mér þessi verkfæri og hefur það gefist mjög vel. Ég nota mikið öndun og hugleiðslu í mínum námskeiðum um leið og ég sái fræjum sjálfstyrkingar inn í huga þátttakenda. Ég nýti þakklætið mikið, hjálpa þátttakendum að finna styrkleikana sína og hvernig þeir geta nýtt þá í sinni markmiðasetningu o.s.frv.“

Dagsetningar: Þriðjudagar og fimmtudagar 19., 21., 26. og 28. október, 2. og 4. nóvember

Kl. 17:30-19:00.

Lengd: 9  klst

Staður: Netviðburður– skráðir þátttakendur fá senda krækju með aðgangi að námskeiðinu

Leiðbeinandi: Gróa Másdóttir jógakennari, leiðsögumaður og markþjálfi

Heiti námskeiðs Dags Dagar Tími Staðsetning Verð
1 19.10.2021 - 04.11.2021 Þriðjudagar og fimmtudagar 17:30-19:00 Vefviðburður og göngur