Flokkur: Gott að vita - Félagsmenn Sameykis eingöngu

15 góð ráð og 3 jákvæð inngrip

Undanfarna mánuði hafa verið töluverðar takmarkanir á félagslegum samskiptum. Þessar ráðstafanir eru auðvitað nauðsynlegar og góðar til að sporna við útbreiðslu kórónuveirunnar, en ekki eins góð fyrir andlega heilsu okkar. Við erum félagsverur og skortur á nánum félagslegum samskiptum getur haft neikvæð áhrif á andlega heilsu okkar. Auk þess upplifum við mikla óvissutíma, sem getur leitt til þess að við finnum fyrir óöryggi og kvíða. Samkvæmt nýlegu Þjóðarpúlsi Gallup finnur um fjórðungur landsmanna fyrir kvíða vegna COVID-19 og 70% landsmanna hafa áhyggjur af efnahagslegum áhrifum veirunnar. Kvíði og áhyggjur eru eðlileg viðbrögð við þeim fáheyrðu aðstæðum sem erum að upplifa í dag. Þegar áhyggjurnar verða hins vegar óraunhæfar eða viðvarandi geta þær valdið vanlíðan og haft neikvæð áhrif á daglegt líf. 

Hvernig getum við tryggt að við höldum andlegri heilsu á þessum óvissutímum?  Í þessum klst. fyrirlestri er farið yfir 15 góð ráð og 3 jákvæð inngrip en markmiðið með þeim er að stuðla að jákvæðum tilfinningum, jákvæðri hegðun og jákvæðum hugsunum.

Tími: Þriðjudagur 8. desember

Kl. 18:00-19:30

Lengd: 1,5 klst.

Staður: Á netinu - skráðir þátttakendur fá senda krækju með aðgangi að námskeiðinu og leiðbeiningar um hvernig þeir fara að. 

Leiðbeinandi: Ingrid Kuhlman, er með meistaragráðu í hagnýtri jákvæðri sálfræði.

Heiti námskeiðs Dags Dagar Tími Staðsetning Verð Skráning
1 08.12.2020 Þriðjudagur 18:00-19:30 Vefviðburður Skráning