Framvegis tekur þátt í Leónardóverkefni ásamt fimm öðrum Evrópulöndum: Póllandi, Rúmeníu, Bretlandi, Svíþjóð og Spáni. Verkefnið ber heitið Providence sem er stytting á Providing competences (to workforce).

Verkefnið gengur út á kynnast starfsemi samstarfsaðilanna í verkefninu með það að markmiði að hver samstarfsaðili noti þá þekkingu til þess að efla og auka gæði í þeirri starfstengdu menntun sem þeir bjóða upp á í sínu heimalandi.

Þátttakendur í verkefninu koma allir frá afar ólíkum fræðslustofnunum, t.d. símenntunarmiðstöðvum, verkmenntaskólum, vinnumálastofnunum, en hafa það sameiginlegt að bjóða fullorðnu fólki upp á símenntun og starfsmenntun. Afurð verkefnisins er heimasíða þar sem allir þátttakendur verkefnisins birta greinar þar sem borin eru saman menntakerfi og menntastofnanir þessara sex Evrópulanda.
 

Heimasíða Providence